VOV4.Êđê- Ti krĭng Lăn Dăp Kngư ară anei mâo hlăm brô 2.000 knơ̆ng kdơ̆ng êa. Klei hŭi hyưt luč klei êđăp ênang ti dŭm knơ̆ng kdơ̆ng êa hlăm yan hjan hlĭm mâo leh Phŭn bruă lŏ hma leh anăn mđĭ kyar krĭng ƀuôn sang hưn brei răng hlăm lu thŭn hŏng anei. Hlăm gưl nao ksiêm dlăng knơ̆ng kdơ̆ng êa ti krĭng Lăn Dăp Kngư mrâo anei Nguyễn Văn Tỉnh, khua kiă kriê anôk bruă knơ̆ng kdơ̆ng êa brei thâo, hlăm lu alŭ wăl, yan hlĭm hjan, ti dŭm knơ̆ng kdơ̆ng êa knŏng bơ̆k bâo mă kơ klei mđoh êa msĕ hŏng yăng đar, ƀiădah ka mĭn ôh kơ klei dlưh knơ̆ng kdơ̆ng êa. Êjai anăn, păt čiăng jih dŭm knơ̆ng kdơ̆ng êa dôk hlăm klei luč klei êđăp ênang.

Boh nik jing dŭm knơ̆ng kdơ̆ng êa hŏng lăn mâo leh lu thŭn. Anei jing klei arưp aram ti yan hjan hlĭm leh anăn dŭm čar krĭng Lăn Dăp Kngư čiăng mâo klei mđing. Êjai dôk guôn klei mkăp brei mơ̆ng gưl dlông čiăng mkra wĭt bi jăk, dŭm čar krĭng Lăn Dăp Kngư čiăng čŏng hluê ngă dŭm hdră êlan rơ̆ng klei êđăp ênang kơ knơ̆ng kdơ̆ng êa, kñăm hnưm hmao ƀuh leh anăn mâo klei hâo hưn kơ mnuih ƀuôn sang.

Pô mblang: Y-Ƀel Êban