Tlam 16/10, ti Anôk bi kƀĭn bruă Đảng čar Daklak, Êpul bruă mkŏ mjing gưl dlông bi êdah leh klei bi mklă mơ̆ng Phŭn bruă kđi čar ruah mdưm Lương Nguyễn Minh Triết, Khua mkăp hlăm anôk bruă Đảng gưl dlông, Khua bruă Đảng ƀuôn prŏng Đà Nẵng păn ngă khua bruă Đảng čar Daklak wưng thŭn 2025 – 2030 mơ̆ng hrue 15/10/2025.

Blŭ hrăm tŭ mă bruă mrâo, Khua bruă Đảng čar Daklak Lương Nguyễn Minh Triết bi êdah klei mơak leh mâo gưl dlông tiŏ hriê jao bruă yuôm bhăn, ƀuăn srăng hlue ngă jih klei kčĕ đru bi leh bruă Êpul hgŭm kiă kriê bruă Đảng čar, gĭt gai, kiă kriê bi tŭ jing bruă duh mkra ala ƀuôn, bruă răng mgang klei êđăp ênang, bi năng jing sa boh čar knơ̆ng ti lăn dap kngư, Lương Nguyễn Minh Triết kkiêng thŭn 1976, ƀuôn sang ti ƀuôn hgŭm Duy An, kdriêk Duy Xuyên, čar Quảng Nam (hđăp) ară anei dôk hlăm ƀuôn prŏng Đà Nẵng; hriăm Thạc sĩ Quản trị Kinh doanh, Kỹ sư Công nghệ Silicat; gưl prŏng bruă hlak mblang kđi čar./.