Klei bi kƀĭn bi mklă leh Hdră mtrŭn bi mklă boh tŭ lui bruă ngă Khua Êpul gơ̆ng bruă ƀuôn sang čar gưl X wưng 2021 - 2026 hŏng Trần Hồng Thái, kyua dưi tiŏ nao ngă K’iăng Khua Anôk bruă ksiêm hriăm kreh knhâo leh anăn kdrăp mrâo Việt Nam mơ̆ng hruê 3/9/2025.

Mbĭt anăn, ruah Lưu Văn Trung,  K’iăng Khua dlăng bruă Đảng čar Lâm Đồng ngă Khua Êpul gơ̆ng ƀuôn sang čar Lâm Đồng gưl X, wưng 2021-2026, hŏng ênoh hră mplĕ tŭ ư 110/112. Hlăm klei bi kƀĭn, Êpul gơ̆ng bruă ƀuôn sang čar Lâm Đồng ăt bi tŭ ư boh tŭ ruah mbŏ Khua hlăm Knơ̆ng bruă sang čư̆ êa čar Lâm Đồng wưng 2021 - 2026 hŏng Hoàng Văn Bằng, Khua hlăm bruă Đảng čar, Khua Knơ̆ng bruă hŏng tač êngao.