VOV4.Êđê - Aguah 26/8, Knơ̆ng bruă kahan ksiêm čar Lâm Đồng ngă leh asăp mă kơ̆ng 2 čô mă bruă hlăm Anôk bruă ktuê dlăng klei ruă čar Lâm Đồng čiăng ksiêm dlăng, bi mklă kơ klei ƀơ̆ng ngăn. 2 čô arăng mă kơ̆ng êjai 4 mlan jing Phạm Thị Hoa leh anăn Nguyễn Xuân Đạt, dôk mă bruă hlăm Anôk bruă ktuê dlăng klei ruă čar Lâm Đồng.

Hlăm hdră hlue ngă bruă dưi jao hlăm gưl mâo klei ruă Covid-19 mơ̆ng knhal jih thŭn 2021, 2 čô anei mâo klei ngă soh čiăng ƀơ̆ng ngăn mâo ênoh hlăm brô 600 êklăk prăk. Klă klơ̆ng, jih 2 čô mđĭ ênoh kdrăp mnơ̆ng, kdrăp ksiêm mkă. Mbĭt anăn, ksiêm mkă mta bi mguôp ƀiădah lŏ hưn hlăm hră mơar jing sa, leh anăn lŏ čhĭ mnơ̆ng ksiêm mkă, kit test leh anăn kdrăp ksiêm mkă mdua kơ Knơ̆ng bruă kdrăp mrâo Việt Á čiăng mă prăk. Ară anei Kahan ksiêm čar Lâm Đồng lŏ dơ̆ng ksiêm dlăng boh klei.

H’Nêč pô mblang