Hluê si hdră mkăp mơ̆ng Phŭn bruă mtô mjuăt bi hriăm, mta kñăm  mơ̆ng hdră êlan mđĭ kyar bruă mtô bi hriăm truh ti thŭn 2030, hdră tă truh ti thŭn 2045 jing mđĭ kyar anak mnuih Việt Nam kluôm dhuôm, bi lar jih hnơ̆ng klei găl, klei mbruă mơ̆ng grăp čô…Mkŏ mjing jar bruă mtô bi hriăm pŏk, mtăp mđơr, đru kơ klei hriăm jih klei hdĭp, hluê hnơ̆ng klă sĭt, mrâo mrang, mâo klei êngiê, knhuah yang ƀuôn leh anăn ñŭ kma tar rŏng lăn, truh ti thŭn 2030 mâo hnơ̆ng đĭ kyar mơ̆ng alŭ wăl Asi.

Blŭ hrăm hlăm klei kƀĭn, k’iăng Khua knŭk kna mñă ktang, hdră êlan čiăng nao djŏ hŏng hdră tă, mbĭt anăn mâo klei bi mrâo, găl guôp leh anăn kdlưn hĭn. Bruă hluê ngă hdră êlan čiăng iêo mthưr klei nao hgŭm mơ̆ng jih jang, hlăm anăn mâo wăt êpul êngao knŭk kna čiăng ai dưi mơ̆ng yang ƀuôn  mbĭt hŏng knŭk kna mđĭ klei duh bi liê, klei tŭ dưn kơ bruă mtô bi hriăm. Mbĭt anăn, srăng tĭng mkă kơ jar bruă duh mkra, dŭm dhar bruă tuh tia hlăm êdei anăp, bruă đua klam mơ̆ng dŭm knơ̆ng bruă hlăm klei nao hgŭm hlăm bruă čuăl mkă mta kñăm, hnơ̆ng čuăn hŏng bruă mtô mjuăt bi hriăm.