Kahan ksiêm dôk kñăm ksiêm êmuh phung mâo mă leh anăn lŏ dơ̆ng tiŏ mă phung adôk. Ară anei kahan ksiêm ăt dôk tiŏ mă phung anăn čiăng ƀuah mkra hluê si klei bhiăn ala čar. Êlâo kơnăn, aguah hruê 11/6, ti kdriêk Čư̆ Kuiñ mâo sa êpul djă phao ksŭng ngă kơ anôk bruă bruă sang čư êa să Ea Tiêu leh anăn Ea Ktưr, ngă kơ đa đa phung kahan ksiêm să, knuă druh să, mnuih ƀuôn sang djiê leh anăn êka…

Leh mâo klei anei, Phŭn bruă kahan ksiêm gĭt gai kahan ksiêm čar Dak Lak, dŭm anôk bruă thơ̆ng kơ bruă ngă bruă kwang dar, tui mă phung ngă klei anăn, dŏng mtlaih đa đa phung diñu mă kơ̆ng. Phŭn kahan ksiêm mtă kơ mnuih ƀuôn sang kdriêk Čư̆ Kuiñ leh anăn dŭm alŭ wăl jĕ giăm mâo klei hơĭt,  amâo mâo kjăt kƀla, hluê ngă dŭm klei mtă mơ̆ng bruă sang čư êa leh anăn êpul êya ngă bruă. Tơdah hlei mâo klei hưn kơ phung anăn srăng hưn mtam hŏng anôk bruă kahan ksiêm jĕ hĭn. Bi hŏng dŭm anôk bruă klei mrâo, srăng bi klă klei hưn êlâo kơ mđung čiăng rơ̆ng klei hưn djŏ hŏng klei sĭt.