VOV4.Êđê- Anôk bruă đăo knăl klei mgei lăn lehanăn, lehanăn kăp hưn kơ klei êa ksĭ ktlư̆, mơ̆ng knơ̆ng bruă ksiêm mkă boh lăn, hlăm knơ̆ng bruă kreh knhâo Việt Nam mrâo hưn, ti alŭ wăl kdriêk Kon Plông, čar Kontum mrâo mâo leh 4 klei mgei lăn sa wa. Tal êlâo jing hlăk krah mlam hrue 22/6 hŏng boh ktang 3,2 độ ti hnơ̆ng êlan hlăm brô 8,1km. 10 mnĭt êdei kơ anăn mgei gưl tal dua; 2,8độ, lehanăn 15mnĭt êdei lŏ mâo gưl tal 3 2,6độ. Lehanăn knhal tuič jing gưl tal 4 hlăk 2h4 mnĭt aguah 2,6độ. Tui si anôk bruă tĭng mkă jih jang klei mgei lăn anăn amâo mâo truh ti hnơ̆ng huĭ hyưt ôh. Lehanăn anôk bruă anei hlăk hlê dôk lŏ ksiêm dlăng./.

         Pô mblang: Y-Khem Niê