VOV4.Êđê- Ti sang bruă kƀĭn ala, Khua anôk bruă kƀĭn ala Vương Đình Huệ gĭt gai leh mmông mă bruă hŏng Dhar bruă duh mkra mơ̆ng anôk bruă kƀĭn ala brei klei blŭ kơ hră hưn mdah bruă ksiêm dlăng 5 thŭn hluê ngă Hdră mtrŭn mrô 31/2016 mơ̆ng anôk bruă kƀĭn ala kơ klei mdei hluê ngă hdră duh bi liê bruă pui kmlă hạt nhân Ninh Thuận. Ti anôk mă bruă, leh hmư̆ klei blŭ trông, Khua anôk bruă kƀĭn ala Vương Đình Huệ mñă klă bruă mdei hdră bruă pui kmlă Ninh Thuận jing hdră êlan mtrŭn djŏ klă mơ̆ng gưl dlông lehanăn mtă, Dhar bruă duh mkra mơ̆ng anôk bruă kƀĭn ala mđing hmư̆ klei blŭ đru mguôp ti anôk bi kƀĭn, bi hgŭm hŏng dŭm phŭn, dhar bruă lehanăn čar Ninh Thuận ngă leh hră hâo mdah boh tŭ bruă ksiêm dlăng 5 thŭn hluê ngă Hdră mtrŭn mrô 31, ksiêm tĭng dlăng dŭm boh tŭ dưi mâo, dŭm klei êdu kƀah, gun kpăk, boh nik kơ mnuih hiu dôk, mkŏ anôk dôk mrâo, hdră čuăl mkă, mkăp lăn kơ bruă pla mjing leh mdei hluê ngă hdră bruă pui kmlă hạt nhân, akâo kơ anôk bruă kƀĭn ala, knŭk kna lŏ bi trông, ruh mtlaih klei dleh dlan, mjing klei găl kơ Ninh Thuận lŏ dơ̆ng đĭ kyar pral lehanăn h’ĭt kjăp./.

                                                   Pô mblang: H’Nêč Êñuôl