Klă klơ̆ng, grăp mlan, dŭm anôk bruă pui kmlă hlăm čar mâo nanao klei čih, video djŏ tuôm kơ bruă êđăp ênang pui kmlă, dưm hlăm website bruă pui kmlă ăt msĕ mơh klei hâo hưn, sang mđung asăp gưl dlông leh anăn alŭ wăl; mđung asăp hâo hưn kơ klei êđăp ênang pui kmlă hlăm dŭm să, ƀuôn hgŭm mơ̆ng 2 truh 4 blư̆ grăp mlan.

Hlăm hla pok web ala ƀuôn Zalo leh anăn facebook, Pui kmlă Dak Lak ăt hâo hưn mtô lač ba yua pui kmlă leh anăn mkiêt mkriêm kơ dŭm pluh êbâo čô yua. Hŏng hdră hâo hưn êđăp ênang pui kmlă hŏng êbeh 62.000 pŏk hră, anôk bruă mkra mjing jăk siam jĕ giăm hŏng mnuih ƀuôn sang thâo săng leh anăn ba yua.

Mơ̆ng mlan 10/2023, dŭm êpul ksiêm dlăng mlir dhar bruă kơ bruă gang mkhư̆ klei pui ƀơ̆ng, pui kmlă Dak Lak bi mguôp hâo hưn kơ klei êđăp ênang pui kmlă hŏng dŭm êpul, mnuih kñăm bi hrŏ klei pui ƀơ̆ng, mtuh hlăm bruă mkra mjing, mnia blei.