VOV4.Êđê- Dôk hlăm hdră bi hdơr 30 thŭn hruê mkŏ mjing klei bi mjĕ Việt Nam – Dhŭng Korea, tlam hruê 25/3 ti ƀuôn prŏng Sầm Sơn, čar Thanh Hóa mkŏ mjing leh Klei kƀĭn Bi tuôm hŏng Dhŭng Korea. Dhŭng Korea ară anei jing pô duh bi liê prŏng êdi hlăm Việt Nam hŏng 9.200 hdră bruă adôk ba yua, jing ƀĭng hgŭm ODA, bruă hiu čhưn ênguê, hdră mă bruă tal 2 lehanăn jing ƀĭng hgŭm bruă mnia mblei prŏng tal 3 hŏng ênoh prăk bi mnia mblei dua nah mâo 78 êklai USD hlăm thŭn 2021. Blŭ ti knăm anei, K’iăng khua phŭn bruă hŏng tač êngao Việt Nam Nguyễn Minh Vũ čang hmăng, dŭm alŭ wăl lehanăn anôk bruă duh mkra dưi duah ƀuh ƀĭng hgŭm djŏ guôp, mâo lu klei mĭn mrâo hlăm hdră hgŭm bruă čiăng dưi mâo mta kñăm mđĭ ênoh prăk bi mnia mblei dua nah Việt Nam – Dhŭng Korea truh 100 êklai USD hlămk thŭn 2023 lehanăn mđing truh mta kñăm mâo 150 êklai USD hlăm thŭn 2050. Knŭk kna Việt Nam ƀuăn srăng mđing kơ bruă bi mlih mtah, bi mlih mrô... lehanăn anei ăt jing klei găl mâo mơ̆ng dŭm anôk bruă duh mkra Dhŭng Korea./.

                                                    Pô mblang: H’Nêč Êñuôl