Hlăm wưng êgao, khădah dŭm anôk bruă djŏ tuôm gĭr gang mkhư̆, ƀiădah hnơ̆ng phung yua matŭi amâo mâo hrŏ leh anăn lŏ đĭ lu êjai hŏng lu klei dleh dưi ksiêm dlăng. Phŭn agha kyua klei thâo săng mơ̆ng mnuih ƀuôn sang, boh nik jing phung mda asei kơ klei jŭ jhat mơ̆ng matŭi ka mâo ênŭm ôh.

Blŭ hlăm knăm bi klă, k’iăng Khua phŭn bruă mtô mjuăt bi hriăm Ngô Thị Minh mñă ktang: Ngă jăk bruă hâo hưn, mtô bi hriăm kơ bruă gang mkhư̆ matŭi, klei amâo mâo jăk hlăm yang ƀuôn leh anăn klei ngă soh hŏng klei bhiăn lăn čar, boh nik jing bruă gang mkhư̆ matŭi hlăm sang hră mơar srăng mâo dŭm klei hmăi jăk truh hŏng phung nai mtô leh anăn phung hđeh sang hră, phung hriăm gưl prŏng, leh anăn lŏ bi lar hlăm yang ƀuôn.