Klei kƀĭn trông jing wưng kah mbha klei hriăm, klei mĭn mbruă kñăm mtrŭt mđĭ klei găl đru mguôp mơ̆ng phung mniê hlăm bruă mkra mjing mnia mblei boh mnga lŏ hma, mđĭ hĭn bruă klam leh anăn boh tŭ mơ̆ng phung mniê hlăm bruă lŏ hma leh anăn boh tŭ mnơ̆ng dhơ̆ng phŭn mơ̆ng Việt Nam msĕ braih mdiê, hbei, kphê leh anăn tiu.

Hlăm klei kƀĭn trông, phung bi ala bi trông kơ bruă klam mơ̆ng phung mniê hlăm bruă mđĭ kyar tiu ti krĭng Lăn Dăp Kngư, hlăk mblang boh tŭ 2 klei ksiêm duah kơ bruă pla mjing mdiê lŏ bi mdrơ̆ng hŏng klei mlih yan adiê mâo klei nao hgŭm mơ̆ng phung mniê. Phung bi ala mniê ƀĭng ngă lŏ hma čar Dak Lak ăt kah mbha klei hriăm leh anăn bruă nao hgŭm hlăm dŭm hdră êlan mđĭ kyar kphê leh anăn hbei Prăng kjăp