VOV4.Êđê- Hruê 5/8 mbruê, ti ƀuôn prŏng Đà Lạt (Lâm Đồng), Êpul hgŭm mă bruă klei mrâo Việt Nam mkŏ mjing leh Klei kƀĭn ksiêm wĭt hdră đru dŭm mta bruă klei mrâo mâo hnơ̆ng tŭ jăk wưng thŭn 2016-2020, pŏk hdră đru wưng thŭn 2021-2025. Giăm 150 čô bi ala jing mnuih hgŭm, phung khua Êpul hgŭm mă bruă klei mrâo 19 čar, ƀuôn prŏng krĭng kwar krah – lăn dap kngư nao hgŭm.

Čiăng hluê ngă tŭ dưn hdră đru kơ dŭm mta bruă klei mrâo mâo hnơ̆ng tŭ jăk wưng thŭn 2021-2025 hluê klei bi mklă 558 mơ̆ng Khua knŭk kna, klei kƀĭn lui leh lu mmông bi trông, hlak mblang lehanăn brei klei blŭ kơ dŭm akŏ klei čih mâo mtrŭt mđĭ hluê ngă lehanăn klei djŏ guôp mơ̆ng wăl anôk mă bruă, đru mđĭ klei thâo kơ phung mă bruă klei mrâo, mđĭ hnơ̆ng tŭ dŭm klei čih hlăm anôk bruă klei mrâo. Blŭ ti knăm anei, Nguyễn Đức Lợi, K’iăng khua Êpul hgŭm mă bruă klei mrâo Việt Nam mñă, hdră lŏ dơ̆ng mtrŭt mđĭ klei đru kơ anôk bruă klei mrâo hŏng ênoh duh lu hĭn, hlăm anăn mđing mđĭ klei thâo kơ mnuih mă bruă./.

                                                    Pô mblang: H’Nêč Êñuôl