VOV4.Êđê- Tlam mbruê 24/3, ti sang bruă Khua lăn čar, adŭ bruă Khua lăn čar leh anăn êpul thơ̆ng kơ bruă mơ̆ng Dhar bruă mặt trận čar kwar gưl dlông Việt Nam bi mguôp mkŏ mjing klei kƀĭn ksiêm wĭt bruă bi mguôp plah wah Khua lăn čar hŏng êpul khua gĭt gai Dhar bruă mặt trận čar kwar gưl dlông Việt Nam thŭn 2021, mta kñăm bi mguôp hlăm thŭn 2022.

Khua lăn čar Nguyễn Xuân Phúc leh anăn Đỗ Văn Chiến, khua hlăm bruă Đảng gưl dlông, khua gĭt gai Dhar bruă mặt trận čar kwar gưl dlông Việt Nam hrăm mbĭt gĭt klei klei kƀĭn anei. blŭ hlăm klei kƀĭn, Khua lăn čar Nguyễn Xuân Phúc mtă kơ Dhar bruă mặt trận čar kwar gưl dlông Việt Nam mâo klei uêñ mĭn, ktrâo lač, mtrŭt mđĭ bruă hâo hưn, mtrŭt mjhar dŭm gưl mnuih ƀuôn sang, mkŏ mjing klei đăo knang, klei sa ai hlăm klei mĭn leh anăn bruă ngă čiăng gĭr ktưn ngă tŭ jing bruă mkŏ mjing leh anăn răng mgang ala čar hlăm ênuk mrâo. Ƀri wưng anei, Khua lăn čar mtă kơ knŭk kna, bruă kƀĭn ala, bruă sang čư êa dŭm gưl lŏ uêñ mĭn hĭn kơ dŭm klei hưn mdah mơ̆ng Dhar bruă mặt trận čar kwar gưl dlông Việt Nam leh anăn Dhar bruă mặt trận dŭm gưl.

Pô mblang: Y-Ƀel Êban