Kñăm mđĭ hĭn jih jang klei hâo hưn kơ klei dưi êngiê anak mnuih hŏng tač êngao, hlă dua hrue 26, 27/10, ti ƀuôn prŏng Kon Tum, Phŭn bruă hâo hưn mtô mblang hgŭm leh hŏng anôk bruă kiă kriê kơ klei dưi êngiê anak mnuih mơư̆ng knŭk kna lehanăn knơ̆ng bruă sang čư̆ êa čar Kontum mkŏ mjing klei mjuăt bi hriăm kơ bruă hâo hưn kơ klei dưi êngiê kơ anak mnuih hŏng ala tač êngao, kơ giăm 200 čô phung bi ala jing knuă druh ngă bruă hâo hưn hriê mơ̆ng 19 boh čar, ƀuôn prŏng hlăm alŭ wăl Lăn Dap kngư, Yŭ kwar dhŭng, lehanăn ƀuôn prŏng Hồ Chí Minh.

Hlăm dua hrue hriăm phung hriăm mâo hriăm kơ hdră mtrŭn mơ̆ng khua knŭk kna kơ klei dưi êngiê anak mnuih lehanăn kơ klei duah mjhua hŏng klei dưi êngiê klei đăo hlăm wưng leh êgao ba klei amâo mâo jăk hlăm bruă hâo hưn hŏng tač êngao, mă klei hriăm mơ̆ng jih jang klei hâo hưn, kơ boh klei dưi êngiê lehanăn tă êlan kơ dŭm bruă hâo hưn kơ klei dưi êngiê anak mnuih./.