VOV4.Êđê- Aguah mbrue (15/9) ti ƀuôn prŏng Đà Lạt, čar Lâm Đồng, Phŭn bruă dhar kreh, mjuăt asei lehanăn hiu čhưn ênguê bi kƀĭn leh klei mjuăt hriăm kơ hdră bhiăn mlih mrâo thiăm mbŏ đa đa mta mơ̆ng hdră bhiăn kiă kriê klei mĭn kơ klei dưi čih, lehanăn klei dưi djŏ tuôm. Êbeh 150 čô phung bi ala mơ̆ng dŭm phŭn dhar bruă, êpul êya mơ̆ng phŭn bruă dhar kreh, mjuăt asei lehanăn hiu čhưn ênguê, mbĭt hŏng jih jang alŭ wăl mao hriăm.

Hlăm 3 hrue, phung bi ala hmư̆ kơ jih jang klei bi mlih hdră êlan kơ dŭm klei bhiăn anăn, kñăm bi djŏ hŏng klei bhiăn ala tač êngao, hlăm klei ñŭ kma, đru kơ klei mđĭ kyar bruă duh mkra ala ƀuôn ară anei, lehanăn thâo dưn yua jih jang bruă djŏ tuôm, kñăm bi kiă kriê klei mĭn, lehanăn klei dưi čih, klei dưi mkăn mâo leh klei lŏ mlih mrâo thiăm mbŏ, hŏng jih jang mta mrâo bi mlih lač kơ klei dưi kiă kriê klei mĭn, bruă klam tui si klei bhiăn kơ klei dưi čih, klei dưi djŏ tuôm mkăn, bi lar jih jang boh phŭn kơ klei kuôl kă kơ klei dưi čih, mơ̆ng Êpul hgŭmbruă kiă kriê klei mĭn dlông rŏng lăn, klei kuôl kă kơ klei dưi mdah, lehanăn klei mă asăp mpơ̆ng Êpul bruă kiă kriê klei mĭn dlông rŏng lăn./.

Pô mblang: Y-Khem Niê