Aguah 26/3, Khua knŭk kna Phạm Minh Chính leh anăn  Êpul bi ala gưl dlông Việt Nam truh leh ti Hà Nội, mjưh ruĕ gưl nao čhưn ti Russia hŏng  hdră mă bruă giăm 30 bruă ngă hlăm 3 hruê. Mơ̆ng dŭm klei bi trông, bi tuôm hŏng khua gĭt gai gưl dlông Russia, dua tĭng mâo leh klei bi tŭ ư kơ klei lŏ bi êlam hĭn klei đăo knang kđi čar, mđĭ klei bi thâo săng hlăm klei bi hgŭm djuê ana.

Klei mñă yuôm bhăn mơ̆ng gưl nao čhưn ti bruă Khua knŭk kna Phạm Minh Chính leh anăn Khua knŭk kna Mikhail Mishustin dlăng klei siñê bi hgŭm mkŏ mjing Sang mkra mjing pui kmlă hạt nhân ti Việt Nam. Anei dưi dlăng jing klei yuôm bhăn hƀuê ênuk, kruăk knăl klei lŏ mkŏ mjing hdră hạt nhân ala čar, pŏk êlan bi hgŭm mrâo hlăm bruă mđĭ hdră bruă kluôm. Gưl nao čhưn mâo lu klei tŭ dưn, đru lŏ mkŏ mjing leh anăn mđĭ klei bi hgŭm kluôm Việt Nam - Russia hlăm wưng mrâo.