Hlăm klei bi trông, dua khua gĭt gai bi êdah klei mơak mâo klei bi trông hlăm đĭng blŭ gưl dlông čiăng lač kơ bruă mđĭ klei bi hgŭm jing ƀĭng hgŭm kluôm Việt Nam - Dhŭng Korea leh anăn dŭm bruă dua tĭng mđing. Khua mil čhil Dhŭng Korea bi mklă dlăng myuôm bruă klam Việt Nam hlăm hdră pŏk ngă hdră êlan mơ̆ng Dhŭng Korea ti krĭng wăl.

Dua khua gĭt gai tŭ ư hdră mđĭ hĭn klei bi thâo săng leh anăn đăo knang bruă kđi čar mơ̆ng klei bi tuôm, bi trông gưl dlông leh anăn dŭm bruă Đảng, Knŭk kna, Bruă kƀĭn ala leh anăn mnuih ƀuôn sang dua ala čar, mđĭ klei bi hgŭm hlăm bruă lĭng kahan, klei êđăp ênang; mđĭ bi hgŭm bruă duh mkra, mnia blei leh anăn bi liê klă sĭt, tŭ dưn, hơĭt kjăp. Dua tĭng srăng gĭr mđĭ prăk hrui wĭt mnia blei dua nah truh 150 êklai USD hlăm thŭn 2030.