VOV4.Êđê- Tlam 5/10, ti Sang bruă kƀĭn ala, Khua hlăm Phŭn bruă kđi čar, K’iăng Khua bruă kƀĭn ala Trần Thanh Mẫn mâo mmông bi tuôm hŏng K’iăng Khua bruă kƀĭn ala, ala čar Lao, Khua Knơ̆ng bruă klei êđăp ênang lehanăn bi hgŭm Lào Sommad Pholsena hŏng Êpul bi ala Knơ̆ng bruă klei êđăp ênang lehanăn bi hgŭm Lào hriê čhưn, mă bruă ti Việt Nam.

Blŭ hrăm hlăm mmông drông, K’iăng Khua bruă kƀĭn ala Trần Thanh Mẫn brei thâo, Khua gĭt gai Đảng, Knŭk kna, bruă kƀĭn ala Việt Nam nao ai, mjing djăp klei găl čiăng kơ dŭm êpul bruă yang ƀuôn Việt Nam amâo mdei mđĭ hĭn klei bi hgŭm hŏng êpul bruă yang ƀuôn Lao. Bi tŭ ư kơ dŭm klei kčĕ mơ̆ng K’iăng Khua Bruă kƀĭn ala Trần Thanh Mẫn, K’iăng Khua bruă kƀĭn ala Lào Sommad Pholsena brei thâo, Lao srăng lŏ dơ̆ng hâo hưn, bi hriăm lehanăn răng kriê klei bi hgŭm plah wah dua ala čar, mđĭ klei mjĕ êrô dhar kreh, mđĭ bruă mnia blei, hiu čhưn ênguê./.

Pô mblang: H’Zawut Ƀuôn Yă