VOV4.Êđê- Aguah 5/10, ti Hà Nội, Êpul hgŭm bruă mnia blei leh anăn tuh tia mkra mjing Việt Nam (VCCI) mkŏ mjing Klei bi kƀĭn hŏng akŏ: Mkra mđĭ kơhưm bruă tuh tia mkra mjing đru kơ Việt Nam. Ară anei bruă tuh tia mkra mjing hlăm ala čar mâo leh lu klei bi mlih hlăm dŭm thŭn êgao kơ ênoh leh anăn hnơ̆ng jăk, mâo hlăm brô 4,5% ênoh anôk bruă duh mkra mơ̆ng bruă tuh tia mkra mjing. Bruă tuh tia mkra mjing đru mđĭ klei bi hgŭm hlăm bruă mkăp mơ̆ng bruă tuh tia mkra mjing phŭn mơ̆ng bruă duh mkra ară anei msĕ si tă kčoh, hdruôm jơ̆ng, điện tử, lŏ hma, kan hdang… hŏng dŭm anôk ba čhĭ prŏng leh anăn dleh msĕ si Dhŭng Korea, Japon, Mi, Ơ Rôp, China… Dŭm klei blŭ mguôp hlăm Klei bi kƀĭn lač, Knŭk kna brei mâo hdră msir đru kơ anôk bruă duh mkra đru. Mbĭt anăn jing mđĭ ktang klei bi hgŭm hŏng dŭm ala čar dlông rŏng lăn mđĭ klei thâo mơ̆ng anôk bruă duh mkra hlăm bruă bi hriăm, kčĕ ba jao bruă kdrăp mrâo...

Pô mblang: H’Zawut Ƀuôn Yă