Khua gĭt gai Bùi Thị Minh Hoài brei thâo mơ̆ng akŏ thŭn 2026, klei bi hgŭm Việt Nam - Campuchia lŏ dơ̆ng đĭ kyar jăk, hŏng lu gưl nao čhưn leh anăn bi tuôm gưl dlông, boh nik khua gĭt gai dua đảng leh anăn tlâo ala čar Việt Nam - Campuchia - Lào, đru mđĭ klei đăo knang kđi čar, mkra mđĭ klei bi hgŭm kluôm.

Hlăm klei bi  trông, dua tĭng tŭ ư lŏ dơ̆ng mđĭ ktang bi hgŭm, mjĕ êrô mnuih ƀuôn sang, boh nik phung êdam êra, phung mniê, phung thâo lu, mđĭ bi hgŭm alŭ wăl knông lăn; bi hgŭm mkŏ mjing Klei bi kƀĭn lu ala čar mkŏ mjing êlan knông lăn êđăp ênang, bi hgŭm mđĭ kyar tal 7 ti Campuchia thŭn 2026, mđing bi hdơr 60 thŭn mkŏ mjing klei bi hgŭm dua ala čar, mbĭt anăn mjing klei găl kơ êpul êya mnuih Việt Nam ti Campuchia hơĭt klei hdĭp mda.