Klei kƀĭn kñăm đru kơ dŭm čar krĭng Lăn Dap Kngư mđĭ hĭn klei găl čiăng ngă hdră mnia mblei điện tử ala čar wưng thŭn 2021 – 2025, mđing truh mđĭ kyar mnia mblei điện tử hŏng klei kjăp. Ară anei, čar Gia Lai mâo hlăm brô 224 mta mnơ̆ng OCOP dưi ba hlăm anôk mnia mblei điện tử.

Dŭm mta mnơ̆ng mbia mblei hlăm mbah điện tử đru kơ knơ̆ng bruă đĭ kyar thiăm 20% mkă hŏng êlâo dih. Hlăm klei kƀĭn, phung bi ala bi êdah dŭm klei dleh kpăk, êdu kƀah kơ kdrăp yua, bruă logistic, ai dưi mă bruă hnơ̆ng tŭ jăk leh anăn klei mưng blei yua mơ̆ng mnuih ƀuôn sang ngă kơ klei mnia mblei điện tử ti čar Gia Lai leh anăn wăt krĭng Lăn Dap Kngư ka đĭ kyar djŏ hŏng klei găl. Khădah ăt adôk mâo lu klei dleh kpăk ƀiădah ăt mâo lu klei găl mtrŭt mđĭ klei đĭ kyar bruă mnia mblei điện tử hlăm wưng kơ anăp.