Nao hlăm kkei kƀĭn mâo k’iăng Khua knŭk kna Trần Hồng Hà mbĭt hŏng khua gĭt gai dŭm Phŭn, Dhar bruă gưl dlông. Blŭ hrăm hlăm klei kƀĭn, k’iăng Khua knŭk kna Trần Hồng Hà mñă klă, krĭng Ngŏ Dhŭng jing krĭng knơ̆ng klei đĭ kyar, jing akŏ êdeh treng prŏng hĭn hlăm djăp mta, boh tŭ dưn anei brei ƀuh klei đru mguôp prŏng mơ̆ng bruă mtô mjuăt bi hriăm, K’iăng Khua knŭk kna mtă kơ Phŭn bruă mtô mjuăt bi hriăm bi mguôp hŏng dŭm phŭn, dhar bruă, alŭ wăl hrăm mbĭt ksiêm duah leh anăn mđĭ kyar bruă mtô mjuăt bi hriăm hluê si ai tiê hdră mtrŭn mrô 24 mơ̆ng Phŭn bruă kđi čar.

Mơ̆ng anăn čuăl mkă klă kơ klei mđĭ kyar bruă mtô mjuăt bi hriăm, djŏ guôp hŏng boh sĭt grăp čar hlăm krĭng Ngŏ Dhŭng, čiăng mkŏ mjing ti nei dŭm sang hră gưl prŏng, gưl dlông hĭn, duh bi liê kơ dŭm mta bruă mrâo, mkŏ mjing dŭm anôk bruă mlih mrâo hŏng klei mbruă.