VOV4.Êđê- Hruê 9/9, ti ƀuôn prŏng Đà Nẵng, Công đoàn mnuih mă bruă Việt Nam, Knơ̆ng bruă mnuih mă bruă Việt Nam bi hgŭm hŏng Phŭn bruă ksiêm dlăng bruă knuă mkŏ mjing leh Klei kƀĭn trông “Mđĭ lar bruă klam mơ̆ng Công đoàn hlăm bruă mkra mlih klei ngă hră m’ar knŭk kna kluôm wưng thŭn 2021-2030”.

Ti knăm anei, phung bi ala mđing bi trông kơ bruă klam mơ̆ng anôk bruă Čông đoàn hlăm hdră mkra mlih klei ngă hră m'ar knŭk kna; Công đoàn ksiêm dlăng hdră hluê ngă bruă anei; Bruă klam mơ̆ng Công đoàn hlăm hdră mtô mblang, mđĭ klei thâo săng hlăm bruă anei; hdră msir mđĭ klei bi hgŭm plah wah anôk bruă Công đoàn hŏng dŭm êpul djŏ tuôm čiăng ruah boh phŭn, hdră mtô mblang kơ bruă anei hluê hdră tŭ dưn, djŏ mnuih./.

Pô mblang: H’Nêč Êñuôl