Hlue si klei hưn mdah, 6 mlan êgao, Bruă Đảng Êpul hgŭm kƀĭn gĭt gai bruă đảng hlăm klei gĭt gai anôk bruă duh mkra mđĭ bruă mih mrâo leh anăn mđĭ boh tŭ bruă duh mkra duh mkra knŭk kna hlue si hdră êlan, hdră mtrŭn mơ̆ng Đảng leh anăn hdră bhiăn Knŭk kna.

Năng mđing, hŏng hdră kñăm gĭr ktưn truh hdră kñăm hnưm Hdră mtrŭn klei bi kƀĭn bruă Đảng dŭm gưl wưng 2020 - 2025, dŭm hnơ̆ng kčah mkra mjing mnia blei êpul Hgŭm êbeh 50% hdră kčah thŭn leh anăn đĭ kyar mkă hŏng wưng anei thŭn dih. Pŏk ngă klei bi lông hlăm wưng kơ anăp, Khua dlăng bruă Đảng Êpul hgŭm anôk bruă duh mkra gưl dlông Nguyễn Long Hải mtă kƀĭn pŏk ngă dŭm hdră ksiêm dlăng ktuê dlăng thŭn 2024, msir mgaih hră mơar kơ bruă kpăk đuôm čiăng msir mgaih klei gun kpăk, čiăng kơ thŭn êdei mŭt hlăm bi kƀĭn găl ênưih; kƀĭn mđĭ hlue ngă Hdră bruă anôk bruă duh mkra, khua gĭt gai dŭm hdră bruă phŭn.