Giăm 1 mlan kơ anei, ti dŭm alŭ wăl krĭng nah ngŏ car Gia Lai mâo nanao klei pui ƀơ̆ng kbâo. Mâo leh giăm 20 héc ta kbâo pui ƀơ̆ng ti dŭm kdriêk Kông Chro, Đăk Pơ, Kbang lehanăn wăl krah An Khê. Krĭng pla kbâo nah ngŏ čar Gia Lai mâo ênhă truh 30.000 héc ta.

Truh ti wưng anei, mnuih pla mjing mâo koh leh truh 65% ênhă kbâo hlăm kluôm krĭng lehanăn năng ai srăng ruĕ ti mlan 4 tinăp. Nguyễn Hoàng Phước, K’iăng khua sang mkra mjing sĭk An Khê brei thâo, diñu mâo mkŏ mjing leh lu klei bi kƀĭn hŏng alŭ wăl, dŭm gŏ êsei pla kbâo, duah djăp hdră gang mkhư̆ klei pui ƀơ̆ng kbâo êjai adiê hlơr msĕ si ară anei./.