Phung bi ala bi myuôm dŭm mta mrâo mâo klei bluh đĭ pral msĕ si bruă khăt bi hrŏ klei ngă hră mơar, bi mngač jih jang hdră êlan mă bruă hlăm klei duh bi liê, bi mngač hlăm dŭm bruă duh mkra mnia mblei, čiăng mâo klei găl, mbha gưl bi kjăp hlue ngă jih jang hdră êlan mơ̆ng Khua knŭk kna, lehanăn mơ̆ng khua knơ̆ng bruă sang čư̆ êa gưl čar.

Đru mguôp klei blŭ hlăm klei čih mkra hdră bhiăn, phung bi ala sa ai hŏng klei lŏ thiăm mbŏ mta čuăn kăm duh mkra mnia mblei hăt điện tử lehanăn hăt duah mkra mjing, lehanăn akâo lŏ thiăm mta êwa N2O lehanăn dŭm mta bi mđĭ ai klei mĭn mkăn yap hlăm ênoh mta kăm amâo mâo dưi čhĭ mnia, kñăm răng mgang anak mnuih. Mâo lu klei phung bi ala mđing kơ hdră duh bi liê lehanăn klei mnia mblei, bi thâo kral kă ti jing mnơ̆ng brei ngă lu hĭn, lehanăn ti yap jing bruă kơ klei lŏ bi đru. Klei duh bi liê hĭn kơ dŭm bruă phŭn, lehanăn kơ kdrăp mrâo./.