Bruă kƀĭn ala bi klă klei đĭ kyar hlăm ala čar (GDP) ktưn bi mâo mơ̆ng 10% kơ dlông, kñăm mjing knơ̆ng kjăp kơ klei đĭ kyar ti ênoh dua mrô hlăm wưng tinăp. Hdră mtrŭn bi êdah klă; Thŭn 2026 jing yuôm bhăn, mkŏ mjing klei bi kƀĭn prŏng Đảng 14, mkŏ mjing klei ruah khua bruă kƀĭn ala gưl 16, lehanăn phung bi ala êpul gơ̆ng bruă ƀuôn sang djăp gưl wưng thŭn 2026 - 2031, jing thŭn tal êlâo hlue ngă hdră mđĭ kyar bruă duh mkra ala ƀuôn 5 thŭn 2026 - 2030, čhuang hlăm ênuk gưl mrâo mđĭ kyar kjăp, mdrŏng sah mơ̆ng djuê ana. Mđĭ hĭn klei đĭ kyar hlăm nah gŭ, hlue djŏ hŏng klei mđĭ kyar kluôm, dưi mkhư̆ klei prăk luič ênoh, dưi bi kna djăp mta klei.

Hdră mtrŭn mâo bi klă kơ  ênoh čuăn, hlăm anăn: Hnơ̆ng đĭ kyar bruă duh mkra ktưn bi mâo mơ̆ng 10% kơ dlông. Hnơ̆ng hrui wĭt kah knar grăp čô mnuih djăp 5.400đô la (USD). Hnơ̆ng ênoh gŏ sang ƀun, tui si ênoh čuăn lu tĭng  hrŏ êbeh 1%... Kơ hdră mă bruă, bruă kƀĭn ala mtă, lŏ dơ̆ng mtrŭt mđĭ klei mđĭ kyar mđrĭng hŏng bruă krơ̆ng kjăp klei duh mkra kluôm, gang mkhư̆ klei prăk luič ênoh, lehanăn bi kna jih jang klei duh mkra. mâo klei bi hgŭm kjăp, mă bruă hŏng klei tŭ dưn, thâo bi tĭng mkă klei kơ ngăn prăk, lehanăn dŭm hdră êlan mkăn, lŏ dơ̆ng bi kjăp klei bhiăn djŏ tuôm hŏng klei duh bi liê kluôm, mghaih msir jih jang klei dleh kpăk, čiăng kơ jih jang bruă duh bi liê mơ̆ng akŏ thŭn 2026, boh nik hŏng dŭm bruă yuôm bhăn, bruă phŭn kơ ala čar lehanăn dŭm bruă ala čar kñăm./.