Tlâo gŏ êsei anei mâo đru leh prăk rŭ mdơ̆ng jing kơ gŏ êsei kahan êka êkeh Lê Văn Phục, ti alŭ mrô 12, să Ia Rvê; Nguyễn Văn Minh, ti alŭ mrô 13, să Ea Lê; lehanăn Y Blưng Hra, ti buôn A1, wăl krah Ea Súp. Hŏng ênoh jih jang hlăm brô 100 êklăk prăk. Hlăm anăn knơ̆ng bruă pui kmlă kwar krah mguôp truh 60 êklăk prăk, kdriêk Ea Súp đru 30 êklăk prăk mơ̆ng keh hdơr knga tla ai, lehanăn bruă sang čư̆ êa dŭm boh să đru 10 êklăk prăk.

Mbĭt anăn găp djuê lŏ mguôp bi msiam hĭn sang kơ pô. Hlăm hrue mđup brei sang anăn knơ̆ng bruă pui kmlă Daklak lŏ mđup brei kơ grăp boh sang 5 êklăk prăk pioh blei mprăp mnơ̆ng yua hlăm sang. Êlâo anăn, hŏng dŭm ênoh bi đru snăn knơ̆ng bruă pui kmlă kwar krah, lehanăn Daklak mâo rŭ mdơ̆ng leh mơh 2 boh sang bi đru kơ dŭm gŏ êsei knŭk kna dlăng ba ti kdriêk Buôn Đôn, čar Đắk Lắk.