Blŭ hrăm hlăm knăm mphŭn pŏk, H’Yim Kđoh, k’iăng khua bruă sang čư êa čar Dak Lak bi myuôm dŭm boh tŭ dưn mơ̆ng Sang hră gưl prŏng Đông Á anôk bruă ti Dak Lak dưi mâo leh hlăm wưng êgao, čih yap klei gĭt mơ̆ng êpul kiă kriê sang hră čiăng kơ phung hriăm gưl prŏng dưi hriăm hlăm sang hră siam, mâo djăp kdrăp yua mbĭt hŏng phung nai mtô thơ̆ng kơ bruă.

Hlăm knăm mphŭn pŏk, sang hră pah mni leh anăn mđup brei 5 klei đru hriăm hră mơar 50% ênoh prăk tal hlăm dŭm thŭn hriăm, 9 klei đru 25% ênoh prăk tla hlăm dŭm thŭn hriăm kơ phung mrâo nao hriăm. Mbĭt anăn mđup brei dŭm êtuh klei đru hriăm hră hŏng ênoh 7 êklăk prăk sa hnư. Jih jang ênoh prăk đru kơ thŭn hriăm 2024 dưi mđup brei êbeh 4,7 êklai prăk.