Leh sa thŭn hluê ngă mơ̆ng hruê 1/9/2022 – 30/9/2023, Êpul mkŏ mjing tŭ mă giăm 170 klei bi bi lông bruă klei mrâo hlăm 4 mta: Klei mrâo kđăm, klei mrâo điện tử, mđung rup, mđung asăp, đĭ 42 klei bi lông mkă hŏng thŭn êlâo. Hluê si klei bi klă mơ̆ng Êpul mkŏ mjing, lu klei bi lông dưi duh bi liê jăk, mta phŭn lu jơr, rơ̆ng mâo klei dluih ai, ai bi lar leh anăn klei tŭ dưn yang ƀuôn, bi êdah klei bruă mkŏ mjing Đảng mơ̆ng čar Dak Lak.

Êpul mkŏ mjing mđup brei 1 klei pah mni A, 3 klei pah mni B, 6 klei pah mni C leh anăn 10 klei pah mni mđĭ ai kơ phung čih, êpul čih mâo klei pah mni. Mbĭt anăn ruah mă 22 klei čih hnơ̆ng tŭ jăk mơĭt hlăm klei bi lông Kmŭt mniă êa mah kluôm ala gưl tal 8 thŭn 2023.