VOV4.Êđê - Tlam mbruê 20/6 ti ƀuôn prŏng Kon Tum, Êpul hgŭm čih klei mrâo čar Kon Tum mkŏ mjing Klei bi tuôm bi hdơr 97 thŭn Hrue klei mrâo cách mạng Việt Nam 21/6 leh anăn mđup brei klei pah mni Hră klei mrâo Kon Tum tal X thŭn 2022. Klei bi lông klei mrâo čar Kon Tum tal X mâo 56 klei bi lông hlăm 5 mta klei mrâo mơ̆ng 22 čô čih leh anăn 6 êpul čih bi lông.

Hlăm anăn, klei mrâo mơar mâo 14 klei čih, hră klei mrâo điện tử 17, mđung asăp 11 klei čih, mđup rup 11 leh anăn klei mrâo rup 3 klei čih.  Anôk bruă mkŏ mjing klei bi lông brei thâo, dŭm klei čih rơ̆ng djŏ akŏ, boh phŭn klei mĭn, hdră tă mơ̆ng Klei bhiăn bi lông leh anăn lač kơ djăp boh klei. Êpul hgŭm mkŏ mjing Klei bi lông klei mrâo čar Kon Tum mđup brei 5 klei pah mni ênoh A, 5 klei pah mni ênoh B, 9 klei pah mni ênoh C leh anăn 8 klei pah mni mđĭ ai./.

H’ Zawut pô mblang