Klei pah mni hră klei mrâo krĭng wăl Lăn Dap Kngư tal êlâo dưi mkŏ mjing, kñăm čih yap, mđĭ ai, pah mni phung mâo klei čih jăk, dưi kđăm mkra, mđung hlăm thŭn 2023, čih kơ Lăn Dap Kngư. Mơ̆ng 250 klei čih ba bi lông hŏng 4 mta klei čih kđăm mkra, klei mrâo điện tử, mđung asăp leh anăn mđung rup, Anôk mkŏ mjing ruah leh 100 klei čih hlăm tuôr knhal tuč.

Boh tŭ mâo 22 klei čih mâo klei pah mni, mâo 2 klei pah mni mrô sa, 4 klei pah mni mrô 2, 6 klei pah mni mrô 3 leh anăn 10 klei pah mni mđĭ ai. Dŭm klei čih mâo klei mđing dlăng klă klơ̆ng, hnơ̆ng jăk kơ boh phŭn leh anăn hdră. Dŭm klei čih mâo akŏ mrâo, khuăt, boh phŭn lu jơr bi mguôp hŏng lu hdră hâo hưn, mjing klei lar bra, mâo lu phung khăp dlăng. Boh nik klei jăk siam dhar kreh leh anăn klei gĭr răng kriê klei bhiăn, dhar kreh bruă sang čư̆ êa alŭ wăl leha năn mnuih ƀuôn sang dŭm djuê ana Lăn Dap Kngư.