VOV4.Êđê - Ti ƀuôn prŏng Ƀuôn Ama Thuôt, čar Daklak, Epul mkŏ mjing klei bi lông kphê jăk Việt Nam thŭn 2022 mâo mkŏ mjing leh klei pah mni kphê jăk Việt Nam kơ dŭm êpul êya bruă mâo mơ̆ng 80 puăng kơ dlông, hlue si ênoh puăng mơ̆ng tač êngao čoh čuăn. Hŏng kphê Robusta, top mrô 1 kơ êpul hgŭm bruă Êa Tân čar Daklak, top mrô 2 kơ knơ̆ng bruă Minudo Farm-Care, čar Daklak, top mrô 3 kơ đang kphê Êa Tân, čar Daklak.

Bi kphê Arabica, top mrô 1 kơ knơ̆ng bruă Minudo Farm-Care, čar Daklak, top mrô 2 kơ knơ̆ng bruă Dathaco, ƀuôn prŏng Hồ Chí Minh, top mrô 3 kơ knơ̆ng bruă PunCoffe čar Quảng Trị. Anei jing gưl tal 4 leh klei bi lông kơ kphê jăk Việt Nam mâo mkŏ mjing. klei bi lông anei knăm mpŭ mni kơ mnuih pla kphê, kơ kphê jăk, lehanăn êpul êya mkra mjing kphê jăk djăp ênoh čuăn, hưn mdah kơ kphê jăk Việt Nam truh hŏng mnuih blei yua, sang mkra mjing kphê hlăm ala čar lehanăn lehanăn ala tač êngao./.

Y-Khem pô mblang