Khua Bruă Kbĭn ala brei thâo, klei mplĕ hră ruah phung bi ala Bruă Kbĭn ala gưl 16 leh anăn bi ala Êpul gơ̆ng bruă ƀuôn sang dŭm gưl wưng thŭn 2026 - 2031 klah čŭn  tŭ jing jăk siam hŏng hnơ̆ng phung bi ala nao mplĕ hră mâo lu êdi, hlăm brô 99,69%, amâo mâo anôk lŏ wĭt ngă klei mplĕ hră hlăm kluôm ala. Ară anei, dŭm alŭ wăl dôk lŏ dơ̆ng bi kƀĭn, ksiêm dlăng klă čiăng hưn mdah hŏng Êpul gơ̆ng ruah khua ala čar. Mĭn tĭng hruê 22/3, Êpul gơ̆ng ruah khua ala čar srăng ba mdah boh tŭ kleui ruah khua. Hlue anăn, srăng čih hră anăn phung djŏ ruah, dhar bruă phung bi ala srăng bi klă phung bi ala

Bi kơ hdră êlan tă hdră čih mkra hdră bhiăn wưng Bruă Kbĭn ala gưl 16 hưn mdah hŏng Phŭn bruă kđi čar, hlue si khua Bruă Kbĭn ala, mta phŭn hdră êlan dưi nao klă hŏng dŭm hdră êlan, hdră tă prŏng hlăm Hdră mơar klei kƀĭn prŏng tal 14 mơ̆ng Đảng, mbĭt anăn hyuă kjăp dŭm hdră mtrŭn kmeh gơ̆ng, hdră êlan leh anăn klei čih yuôm mơ̆ng Phŭn bruă kđi čar djŏ tuôm čiăng kluôm klei kiă kriê leh anăn mđĭ kyar lăn čar hlăm wưng mrâo. Khua Bruă Kbĭn ala mñă klă, Bruă Kbĭn ala čiăng lŏ dơ̆ng ksiêm dlăng bi êdah mta kñăm hlăm hdră ngă bruă jing bi klă bruă klam bi kluôm klei kiă kriê, hdră bhiăn jing klei kdlưn hĭn čiăng mđĭ kyar lăn čar, thâo klă hdră bhiăn srăng jing boh kdrŭt đĭ kyar.