Nao ti anôk bi kƀĭn mâo êbeh 300 čô bi ala kơ dŭm Phŭn, dhar bruă gưl dlông, phung khua Anôk gĭt gai hdră hŏng tač êngao mơ̆ng 63 čar, ƀuôn prŏng hlăm kluôm ala lehanăn Knơ̆ng gĭt gai lĭng kahan răng mgang knông lăn ti dŭm čar krĭng knông lăn.

Klei bi kƀĭn hưn mthâo leh kơ dŭm mta mrâo hlăm Hdră mtrŭn mrô 47 mơ̆ng Knŭk kna kơ Hdră ngă bruă mơ̆ng Knŭk kna truh kơ thŭn 2030, hluê ngă klei klah čŭn mơ̆ng Phŭn bruă kđi čar kơ klei lŏ dơ̆ng mđĭ hnơ̆ng tŭ jăk, boh tŭ hdră hâo hưn hŏng tač êngao hlăm boh klei mrâo. Klei bi kƀĭn mñă klă, hluê ngă jăk hdră hŏng tač êngao srăng đru ƀĭng găp ala tač êngao thâo săng klă hĭn kơ sa ala čar Việt Nam. Mŏng anăn, thâo săng klă kơ ala čar, anak mnuih Việt Nam, đru hluê ngă jăk hdră mtrŭn hŏng tač êngao pŏk mlar, đru mđĭ hĭn klei bi mjĕ hŏng tač êngao, ñŭ kma tar rŏng lăn mơ̆ng lăn čar drei./.