Leh 4 hruê mă bruă mjêč hŏng ai tiê “Hgŭm mguôp – Ngă phŭn mil pô – Kjăp ktang – Klă mngač – Mjing boh kdrŭt – Đĭ kyar” lehanăn hŏng klei đua klam, aguah 2/10, ti Anôk bi kƀĭn Phŭn bruă lĭng kahan, Klei bi kƀĭn phung bi ala bruă Đảng lĭng kahan tal XII, wưng thŭn 2025 – 2030 mjưh ruê̆ leh Klei bi kƀĭn.

Blŭ hrăm ti knăm anei, Khua gĭt gai Đảng Tô Lâm, Khua bruă Đảng kahan gưl dlông mñă, dŭm hdră êlan mtrŭn mơ̆ng Klei bi kƀĭn bi mklă jing hdră êlan yuôm bhăn čiăng kơ bruă Đảng kahan lehanăn kluôm êpul kahan gĭr mkŏ mjing Anôk bruă Đảng kahan kpă mngač, kjăp ktang kluôm dhuôm, êdah êdi, mkŏ mjing êpul kahan yang ƀuôn cách mạng, thâo, knhâo, mrâo mrang, mđĭ ai ktang răng mgang ala čar, răng mgang kjăp klei dưi kiă kriê kluôm ênŭm krĭng lăn mơ̆ng ala čar Việt Nam yang ƀuôn ngă phŭn êngiê, đru mkŏ mkra ala čar êđăp ênang, mdrŏng sah, đĭ kyar, kreh dhar, yâo mơak, kpưn đĭ kjăp ktuê êlan ngă phŭn mil pô êngiê./.