Blŭ ti knăm anei, Khua Anôk bruă kƀĭn ala Vương Đình Huệ mtă, Anôk bruă kƀĭn ala lŏ dơ̆ng mđĭ lar ai tiê “Pral čih mkra hdră bhiăn, ksiêm dlăng tŭ dưn, hdră mtrŭn djŏ guôp, mjing boh kdrŭt mđĭ kyar”, čiăng mbĭt hŏng Knŭk kna, dŭm anôk bruă hluê ngă tŭ dưn bruă klam mđĭ kyar hdră duh mkra – ala ƀuôn thŭn 2024 lehanăn wưng thŭn 2021-2025, ba ala čar drei đĭ kyar pral lehanăn h’ĭt kjăp. Bruă Anôk bruă kƀĭn ala bi mklă Hdră bhiăn Lăn ala mkra mlih dưi ngă leh sa hlăm dŭm bruă klam čih mkra hdră bhiăn mrô sa mơ̆ng wưng păn bruă gưl XV. Anôk bruă kƀĭn ala ăt bi mklă Hdră mtrŭn kơ dŭm klei bhiăn, hdră mtrŭn hluê ngă Hdră ala čar kñăm.

Hluê Khua anôk bruă kƀĭn ala Vương Đình Huệ anei jing bruă lŏ čuê boh tŭ ksiêm dlăng mơ̆ng Anôk bruă kƀĭn ala ti Klei bi kƀĭn êlâo. Anôk bruă kƀĭn ala ăt tŭ ư brei yua giăm 64.000 êklai prăk kơ dŭm bruă hlăm 5 hdră mâo: Lĭng kahan, răng mgang klei êđăp ênang, kriê dlăng knŭk kna, kdrăp mrâo kreh knhâo lehanăn êlan klông, hlăm anăn giăm 58.000 êklai prăk kơ 32 hdră bruă êlan klông phŭn./.