VOV4.Êđê- Leh 1 hruê mkrah mă bruă mjêč, đua klam, hruê 12/7, Klei bi kƀĭn tal 13 Dhar bruă gĭt gai Anôk bruă kƀĭn ala gưl 15 mjưh ruê̆. Blŭ ti knăm anei, Khua bruă kƀĭn ala Vương Đình Huệ mñă, dŭm bruă dưi ksiêm dlăng klă klơ̆ng, mâo klei sa ai. Ti anôk bi kƀĭn anei, Dhar bruă gĭt gai anôk bruă kƀĭn ala ksiêm dlăng, bi mklă leh hdră bi mlih bruă ba yua dliê, lăn dliê lehanăn lăn pla mdiê mŏng dua yan kơ dlông mŏng Hdră bruă êlan êran pral Dưr - Dhŭng kwar Ngŏ wưng thŭn 2021-2025 lehanăn lu bruă yuôm mkăn. Kơ hdră mprăp klei bi kƀĭn tal 3, Anôk bruă kƀĭn ala gưl XV, Khua adŭ bruă kƀĭn ala Bùi Văn Cường brei thâo, tĭng Klei bi kƀĭn tal 4, Anôk bruă kƀĭn ala gưl XV srăng pŏk hlăm hruê 20/10/2022 lehanăn tĭng mjưh ruê̆ hlăm hruê 18/11/2022.

                                                    Pô mblang: H’Nêč Êñuôl