VOV4.Êđê - K’iăng khua knŭk kna Lê Minh Khái bi klă Hdră mtrŭn jao kơ Phŭn bruă ngăn prăk mkăp braih amâo mă bruă 7.820 ton braih mơ̆ng hjiê kriê pioh ala čar kơ dŭm čar Bình Định, Hà Giang, Dak Nông, Tuyên Quang, Dak Lak, Bình Phước, Quảng Trị, Kon Tum, Lạng Sơn, Lai Châu čiăng đru kơ mnuih ƀuôn sang gưl Tết Nguyên đán Nhâm Dần leh anăn giăm truh yan puôt wiă akŏ thŭn 2022. K’iăng Khua knŭk kna mtă kơ Phŭn bruă ngăn prăk, Phŭn bruă mnuih mă bruă - kahan êka êkeh leh anăn ala ƀuôn msir mgaih klă klơ̆ng hluê si hdră mtrŭn: klam bruă kơ klei hâo hưn leh anăn ênoh mrô hưn mdah. Knơ̆ng bruă sang čư̆ êa dŭm čar: Bình Định, Hà Giang, Dak Nông, Tuyên Quang, Dak Lak, Bình Phước, Quảng Trị, Kon Tum, Lạng Sơn, Lai Châu klam bruă kơ klei djŏ klă mơ̆ng ênoh mrô hưn mdah leh anăn hmao hluê ngă, djŏ mnuih, djŏ hnơ̆ng hdră kčah./.

H’Zawut pô mblang