VOV4.Êđê - K’iăng Khua knŭk kna Lên Văn Thành bi klă leh hdră mkăp hdră čuăl mkra yua lăn ala čar wưng thŭn 2021 – 2030, tă hdră truh thŭn 2050, hdră yua lăn ala čar 5 thŭn mơ̆ng thŭn 2021 – 2025. Klă klơ̆ng, mkăp brei hdră kčah čuăl mkă yua lăn wưng thŭn 2021 – 2030, hdră yua lăn ala čar 5 thŭn mơ̆ng thŭn 2021 -2025 kơ dŭm čar, ƀuôn prŏng hlăm gưl dlông, phŭn bruă lĭng kahan, phŭn bruă kahan ksiêm. Hluê si hdră kčah čuăl mkă, hdră yua lăn dưi mkăp brei, khua phŭn bruă lĭng kahan, khua phŭn bruă kahan ksiêm bi mguôp hŏng bruă sang čư êa dŭm gưl mjêč bi leh bruă čuăl mkă yua lăn wưng thŭn 2021 -2030. Bruă sang cư̆ êa dŭm čar mjêč bi leh bruă čuăl mkă wưng thŭn 2021 -2030, mkŏ mjing hdră êlan yua lăn 5 thŭn mơ̆ng thŭn 2021 -2025 gưl čar, mkŏ mjing leh anăn mkra mlih hdră čuăl mkă yua lăn gưl kdriêk wưng thŭn 2021 - 2030. Dŭm phŭn, dhar bruă mjêč bi leh bruă čuăl mkă dhar bruă ala čar, čuăl mkă krĭng, čuăl mkă krĭng ƀuôn prŏng, krĭng ƀuôn sang, čuăl mkă mâo knhuah klei ngă bruă, bruă thơ̆ng djŏ tuôm mâo yua lăn rơ̆ng djŏ hŏng hdră kčah yua lăn, hrăm mbĭt, sa ai hŏng hdră čuăl mkă, hdră yua lăn ala čar.

Y- Ƀel pô mblang