Hlue anăn, 6 čô djiê êngiă mâo mkăp hră tŭ yap “Lăn čar čih yap ai tiê” mâo 4 čô dôk hlăm phŭn bruă kahan ksiêm kiă kriê jing, Pô êngiă asei Hoàng Trung, Thiếu tá kahan ksiêm yang ƀuôn, knuă druh kahan ksiêm să Ea Ktur, kdriêk Čư̆ Kuin, čar Daklak, pô êngiă asei Trần Quốc Thắng, Thiếu tá kahan ksiêm yang ƀuôn, knuă druh kahan ksiêm să Êa Tiêu, kdriêk Čư̆ Kuin, čar Daklak, pô êngia asei Hà Tuấn Anh, Đại uý kahan ksiêm yang ƀuôn, knuă druh kahan ksiêm să Ea Tiêu, kdriêk Čư̆ Kuiñ, čar Daklak; Pô êngiă asei Nguyễn Đăng Nhân, Đại uý kahan ksiêm yang ƀuôn, knuă druh kahan ksiêm să Ea Ktur, kdriêk Čư̆ Kuiñ, čar Daklak. Dua čô pô êngiă asei mơ̆ng čar Daklak kiă kriê mâo: Pô êngiă asei Nguyễn Văn Kiên, Khua bruă Đảng, Khua Êpul Gơ̆ng bruă yang ƀuôn să Êa Ktur, kdriêk Cư Kuin, čar Daklak lehanăn pô êngiă asei Nguyễn Văn Dũng, k'iăng khua bruă Đảng să Ea Tiêu, kdriêk Čư̆ Kuiñ, čar Daklak (ƀuôn sang ti să Hùng Tiến, kdriêk Nam Đàn, čar Nghệ An).

  Êlâo anăn, aguah ưm hrue 11/6/2023, ti alŭ wăl kdriêk Cư Kuin mâo sa êpul phung djăp hao ktuang nao ksŭng ngă kơ anôk bruă kahan ksiêm să Ea Tiêu lehanăn să Ea Ktur, ngă djiê lehanăn êka phung knuă druh kahan ksiêm săk, lehanăn knuă druh să, mbĭt hŏng mnuih ƀuôn sang. Yap truh 6h30 tlam hrue 12/6, êpul bruă djŏ tuôm mâo mă leh truh 27 čô phung ksŭng ngă kơ anôk bruă sang čư̆ êa să Ea Tiêu lehanăn Ea Ktur, kdriêk Cư Kuin, čar Daklak, êpul kahan ksiêm hlăk dôk tui duah, ksiêm êmuh, mghaih msir ktang djŏ hŏng hdră bhiăn knŭk kna./.