Mkŏ mjing Anôk mđĭ mtrŭn pui kmlă 110kV Lăk
Thứ bảy, 08:25, 10/06/2023
VOV TAYNGUYEN
VOV TAYNGUYEN
VOV4.Êđê- Dŭm anôk bruă pui kmlă bi hgŭm hŏng dŭm dhar bruă djŏ tuôm čar Dak Lak dôk pŏk ngă hră mơar rŭ mdơ̆ng anôk mđĭ mtrŭn pui kmlă 110kV Lăk.
Hlue si hdră kčah dưi bi mklă, anôk mđĭ mtrŭn pui kmlă 110kV Lăk dưi mkŏ mjing ti să Dak Liêng, kdriêk Lăk, čar Dak Lak. Hdră bruă kyua Knơ̆ng bruă pui kmlă kwar Krah ngă pô duh bi liê, hnơ̆ng prŏng mâo 2 êlan klei 110kV hŏng boh dlông giăm 50 km, 1 anôk mđĭ mtrŭn pui kmlă mâo hnơ̆ng 50 MVA.
Ênoh bi liê rŭ mdơ̆ng hdră bruă jing êbeh 180 êklai prăk. Mbĭt hŏng hdră brua anei, Pui kmlă Dak Lak ăt bi leh êlan klei pui man dưn 35kV leh anăn 22kV kă ti tluôn Anôk mđĭ mtrŭn pui kmlă 110kV Lăk čiăng mđĭ lar jih hnơ̆ng boh tŭ hdră bruă. Hdră anei anei leh bi leh srăng ba yua thŭn 2023 mkăp pui kmlă kơ kdriêk Lăk, mkhư̆ klei êgao hnơ̆ng kơ dŭm Anôk mđĭ mtrŭn pui kmlă 110kV Krông Bông.
Viết bình luận