Blŭ hrăm hlăm klei kƀĭn, Khua Knŭk kna Phạm Minh Chính lač phung mă bruă Knŭk kna leh anăn mñuih mă bruă ti đa đa alŭ wăl khădah đa đa dưi bi djăp leh anăn mkŏ dăp ƀiădah ka klă sĭt hơĭt kjăo ôh, knuă druh, phung mă bruă Knŭk kna ăt adôk kƀah klei thâo thơ̆ng kơ bruă, boh nik hlăm bruă lăn ala, mkŏ mkra, hưn mthâo mrâo mrang.

Hlăm wưng kơ anăp, Khua Knŭk kna mñă dŭm phŭn, dhar bruă lŏ dơ̆ng bi kluôm hdră êlan. Bi kluôm mnuih mă bruă, mñă kơ Phŭn bruă kiă kriê bruă knuă mkŏ mjing bruă mă kơ Bruă sang čư̆ êa alŭ wăl 2 gưl, boh nik ti nah gŭ, rơ̆ng kơ klei djŏ guôp.

Khua Knŭk kna Phạm Minh Chính hmăng hmưi bruă Knŭk kna srăng lŏ dơ̆ng bi lar ai tiê gĭr ktưn, ngă bruă ktang phĭt, bi mguôp, bruă klam, mbruă, đru mkŏ mjing bruă Knŭk kna mrâo mrang, klă mngač, kyua mnuih ƀuôn sang, kyua lăn čar.