Hlue ngă Hdră mtrŭn mrô 60, hruê 12/4/2025 mơ̆ng Klei bi kƀĭn tal 11 Anôk dlăng bruă Đảng gưl dlông tal 13, tlâo čar Lâm Đồng, Dak Nông leh anăn Bình Thuận bi mŭt jing sa anôk bruă knŭk kna gưl čar leh anăn mă anăn jing čar Lâm Đồng, anôk bruă kđi  čar - hră mơar dưm ti Lâm Đồng ară anei.

Čiăng hnưm bi leh hdră msir mkŏ mjing êpul mă bruă, rơ̆ng hrăm mbĭt, ngă bruă tŭ dưn leh anăn mkiêt mkriêm klei găl, Knơ̆ng bruă sang čư̆ êa čar Lâm Đồng mtă kơ dŭm knơ̆ng, dhar bruă mơ̆ng čar bi hgŭm hŏng dŭm anôk bruă bi knar mơ̆ng dua čar Bình Thuận leh anăn Dak Nông čiăng mkŏ mjing hdră bi mŭt. Brei bi leh hdră leh anăn mơĭt kơ Knơ̆ng bruă kriê dlăng bruă knuă čar Lâm Đồng bi mklă êlâo kơ hruê 22/4 kơ anăp. Leh bi mŭt tlâo čar Lâm Đồng, Bình Thuận leh anăn Dak Nông, čar mrâo Lâm Đồng mâo ênhă 24.233km2, ênoh mnuih ƀuôn sang mâo 3.300.000 čô.