Khua knŭk kna Phạm Minh Chính lač klă, wưng thŭn 2020-2025 jing wưng dleh dlan hlăm djăp mta ra bruă, khă snăn, hŏng klei gĭt gai mơ̆ng Đảng, Phŭn bruă kđi čar, Anôk dlăng bruă Đảng, mơ̆ng Khua gĭt gai Đảng, jih anôk bruă kđi čar dưi mâo leh boh tŭ hlăm djăp mta bruă. 5 thŭn êgao, lu hdră bi lông ktưn dưi mtrŭt mjhar, pŏk ngă tŭ dưn, mâo ai lar bra, msĕ si Hdră bi lông ktưn “Kluôm ala čar bi mguôp, hgŭm kngan, sa ai bi ktưn gang mkhư̆ lehanăn tŭ dưi hŏng klei ruă tưp Covid 19”, “Hdră msir lăm sang dôk êjai, sang tĭ ƀrôč bi leh hnưm êlâo kơ 5 thŭn 4 mlan; hdră bi ktưn mkra Êlan klei pui 500 kV mta 3 Quảng Trạch - Phố Nối, Êlan klei pui 500 kV Lào Cai - Vĩnh Yên...

Khua knŭk kna mñă brei mđĭ lar dŭm gru hmô êdah êdi, gru hmô jăk, hdră ngă jăk čiăng mjing ai êwa jăk; boh nik brei mprăp mkŏ mjing Klei kƀĭn bi lông khăp kơ ala čar kluôm ala tal XI hlăm mlan 12 ti anăp năng jing ƀuôn prŏng mđĭ kyar hdră duh mkra – ala ƀuôn 5 thŭn êgao mơ̆ng ala čar./.