Hlăm ai êwa kdrưh kơăm leh anăn mgei ai tiê, êpul pĕ gông tông hdơr ayŭ klei mmuin ala čar bi hdơr čiăng atăt asei atâo Khua gĭt gai Đảng Nguyễn Phú Trọng - Khua gĭt gai êdah êdi, jih klei hdĭp kyua ala čar kyua mnuih ƀuôn sang. Hŏng klei mgei ai tiê leh anăn ênguôt hơưi snăk, Khua hlăm Phŭn bruă kđi čar, Khua lăn čar Tô Lâm, Khua Anôk bruă čang ênuh răk klei bi hdơr lač klă: ñu djiê leh jing klei luč liê prŏng prĭn, amâo dưi lŏ wĭt ôh hŏng Đảng drei, djuê ana drei, mnuih ƀuôn sang drei. Lăn čar drei luč leh khua gĭt gai mbruă; hdră bruă čộng sản, đĭ kyar dlông rŏng lăn luč leh sa čô hlak mblang mbruă; ƀĭng găp dlông rŏng lăn luč leh sa čô găp khăp hơiêng; gŏ sang, găp djiê, ƀuôn sang Đông Hội luč leh sa čô mnuih êdah êdi.

Klei kriê pioh yuôm bhăn mơ̆ng Khua gĭt gai Đảng Nguyễn Phú Trọng srăng dôk lă lar hlăm hƀuê ênuk Việt Nam, srăng dưi lŏ čuê leh anăn mđĭ lar hĭn hlăm klei mlih mrâo; hlue ngă tŭ jing hdră kñăm mkŏ mjing ƀuôn sang Việt Nam êđăp ênang, êngiê, hluh lir, mdrŏng, kjăp ktang, jăk mơak ñu čang hmăng, gĭr ktưn săn asei./.