Liăp 1h tlam, Knăm bi hdơr lehanăn ba dơr mâo mkŏ mjing kdrăm k’ah ti sang čang ênuh lăn čar mrô 5 êlan Trần Thánh Tông, Hà Nội. leh êwa đĭng klei čang ênuh gưl ala čar mâo kwang, Khua lăn čar Tô Lâm bi ala kơ phung khua kiă kriê Đảng, lăn čar đĭ nao răk klei blŭ bi hdơr kơ Khua gĭt gai Đảng Nguyễn Phú Trọng. Khua lăn čar Tô Lâm lŏ bi hdơr kơ klei hdĭp, klei mă bruă knuă mơ̆ng khua gĭt gai Nguyễn Phú Trọng, bi klă, giăm 60 thŭn ngă cách mạng, nai prŏng, nai prĭn khua gĭt gai Đảng Nguyễn Phú Trọng hŏng klei thâo mĭn ñu pioh lơh kơ kluôm Đảng, jih jang mnuih ƀuôn sang, lĭng kahan sa klei mĭn kơ hdră êlan cách mạng Việt Nam hlăm ênuk gưl mrâo.

Kut kat dưn yua hdră êlan Mác - Lênin, klei mĭn Hồ Chí Minh, čiăng kơ djuê ana hnŭk êngiê, lehanăn tui tiŏ hdră êlan yang ƀuôn ngă phŭn, pô mâo klei mĭn mrâo, jing hla čhiăm gru ba akŏ kơ Đảng bi mngač klei hlak mblang kơ hdră êlan yang ƀuôn ngă phŭn ti Việt Nam, Đảng Cộng sản yơh jing pô knơ̆ng, kơ klei duh mkra mnia mblei tui tiŏ hdră êlan yang ƀuôn ngă phŭn êngiê... ngăn dưn yuôm bhăn anăn lŏ bi kjăp ai tiê klei mĭn đuĕ nao hlăm hdră êlan yang ƀuôn ngă phŭn, đru mđĭ kyar bruă cộng sản dlông rŏng lăn, tui tiŏ hdră êlan  Mác - Lênin, klei mĭn Hồ Chí Minh hlăm ênuk mrâo mrang.

Khua lăn čar lač: “Bi ktlah hŏng khua gĭt gai Đảng, kluôm Đảng, jih jang mnuih ƀuôn sang, lehanăn lĭng kahan, jih ai tiê mă bruă kơ lăn čar, mă bruă kơ mnuih ƀuôn sang ngă tŭ jing bruă rŭ mdơ̆ng lăn čar Việt Nam hnŭk êngiê, êđăp ênang hluh lir, mdrŏng sah kreh dhar, jăk mơak hĭn”.

Djŏ 1 mmông krah tlam ngă knăm ba dơr. Khua lăn čar Tô Lâm, Khua knŭk kna Phạm Minh Chính, Khua bruă kƀĭn ala Trần Thanh Mẫn, Khua hlăm Êpul bruă Đảng Lương Cường mbĭt hŏng lu phung khua gĭt gai, khua gĭt gai hđăp mơ̆ng Đảng, khua gĭt gai dŭm lăn čar nao hlăm knăm ba dơr Khua gĭt gai Đảng Nguyễn Phú Trọng ti msat Mai Dịch, Hà Nội.

Djŏ 3 mmông tlam, knăm dơr djiê Khua gĭt gai Đảng Nguyễn Phú Trọng dưi mkŏ mjing ti msat Mai Dịch, Hà Nội.

Hlăm klei ênguôt hnĭng amâo knhal, bi ala kơ êpul mkŏ mjing klei čang ênuh leh anăn gŏ sang Khua gĭt gai Đảng Nguyễn Phú Trọng, Lương Cường, Khua hlăm phŭn bruă kđi čar, Khua êpul mkŏ mjing knăm čang ênuh bi êdah klei lač jăk kơ phung bi ala leh anăn mnuih ƀuôn sang: Bi ala kơ êpul mkŏ mjing knăm čang ênuh leh anăn gŏ sang Khua gĭt gai Đảng Nguyễn Phú Trọng, kâo lač jăk kơ phung khua gĭt gai, khua gĭt gai hđăp mơ̆ng Đảng, knŭk kna, mặt trận čar kwar Việt Nam, phung tuê leh anăn mnuih ƀuôn sang, lĭng kahan, phung hriăm lu, phung khua kiă kriê klei đaơ, dŭm êpul hŏng tač êngao, bi ala dŭm êpul êya tar rŏng lăn čang ênuh, mâo asăp bi juh, mơĭt kwang mnga, nao hgŭm hnăm bi hdơr, knăm ba dơr Khua gĭt gai Đảng Nguyễn Phú Trọng, Khua gĭt gai gưl dlông Đảng cộng sản Việt Nam wĭt mdei ti anôk knhal tuč.