VOV4.Êđê- Êpul hgŭm bruă kphê Ƀuôn Ama Thuôt hlăk mtrŭt mjhar mkŏ mjing klei bi lông đeh kphê Việt Nam thŭn 2022. Anei jing gưl tal êlâo klei bi lông anei mâo mkŏ mjing, čang hmăng mơ̆ng klei bi lông anei mjing anôk kơ phung khăp hlăm bruă đeh kphê amâo anôk mđĭ hĭng klei thâo pô, lehanăn dưi bi hriăm êmuh, kơ bruă mkra mjing kphê bi jăk hĭn. Klei bi lông đeh kphê anei srăng mkŏ mjing hlăm akŏ mlan 10/2022. Phung bi lông jing mnuih Việt Nam mơ̆ng 18 thŭn kơ dlông, hlăk dôk hdĭp lehanăn mă bruăti ala čar Việt Nam.

Hŏng dŭm mta klei bi lông snei: Hrŏng ruah asăr kphê pioh đeh, thâo ba yua masin đeh kphê, ba jao hdră pô đeh kphê, lehanăn hlak mblang kơ mta ƀâo mngưi, hdră êlan pô đeh... Mơ̆ng klei bi lông anei čang hmăng srăng lŏ mđĭ hĭn klei tŭdưn kphê Việt Nam. Truh ară anei êpul mkŏ mjing mâo tŭmă leh 312 pŏk hră akâo nao bi lông. Hlăm anăn mâo 24 čô bi lông hjăn, lehanăn 14 êpul nao bi lông êpul./.

Pô mblang: Y-Khem Niê