VOV4.Êđê- Ƀri bi hdơr 91 thŭn Hruê mkŏ mjing bruă Đoàn êdam êra Cộng sản Hồ Chí Minh (26/3/1931 - 26/3/2022), kkuh m’ak Klei bi kƀĭn bruă Đoàn dŭm gưl, mđing truh kơ Klei bi kƀĭn bruă Đoàn kluôm ala tal 12, aguah anei, hruê 1.3 ti Hà Nội, mkŏ mjing leh Knăm mphŭn pŏk Mlan êdam êra thŭn 2022 hŏng anăn “Phung êdam êra mĭn mrâo” mâo Êpul bruă Đoàn êdam êra Cộng sản Hồ Chí Minh gưl dlông mkŏ mjing. Ti knăm anei, bruă Đoàn êdam êra Cộng sản Hồ Chí Minh gưl dlông mkŏ mjing leh klei rang mdah mrâo “Klei thâo săng hlăm phung êdam êra”, hŏng dŭ, mta mnơ̆ng mrâo mkra mơ̆ng phung êdam êra, dŭm kdrăp mnơ̆ng kreh knhâo mâo phung đoàn viên, êdam êra nao hgŭm ksiêm dlăng, hluê ngă; dŭm mta mnơ̆ng ba yua kdrăp mrô hlăm hdră mtô mblang, mjuăt bi hriăm kơ phung êdam êra…; Mbĭt anăn ba yua “Ktuê êlan ana kyâo êdam êra”; nao čhưn, mđup brei mnơ̆ng kơ Amĭ Việt Nam jhŏng ktang lehanăn rŭ mdơ̆ng Boh sang 100 prăk ti kdriêk Thạch Thất lehanăn wăl krah Sơn Tây. Ênoh mnuih lehanăn prăk kăk pŏk ngă hdră bruă hlăm mlan êdam êra thŭn 2022 truh 2 êklai prăk./.

Pô mblang: H’Nêč Êñuôl